فى البداية احب اوجة الشكر الى كل المدونين اللى بتابعهم واللى ان شاء الله هنبقى على تواصل دائم لانهم كان لهم تأثير كبير عليا فى قرارى
بانشاء مدونة خاصة بيا سواء بطريق مباشر بتحفيزهم ليا او من كتاباتهم اللى شجعتنى انى اجازف وادخل عالم التدوين وطبعا مدونتى دى
عبارة عن مساحتى الصغنتوتة الفاضية اللى اقدر فيها اتكلم عن نفسى وعن اللى حواليا .... عن اللى بيفرحنى ....واللى بيزعلنى......
. وعن اللى مضايقنى ....عن تجاربى ومواقفى اللى اكيد استفدت منها كتيييييييييير جدا ...... واحب ان غيرى كمان يستفاد....
وطبعا مش هتكون شخصية بحتة ........... لالالالالالا ...... ممكن افضفض حبتين عن اللى مضايقنى فى زمنا ها خلى بالكو انا قولت زمانا !!!!!!!!
وكمان انا بحب المطبخ جدا جدا جدا يعنى لو عكيت اى اكلة كدة هاقولهالكو طبعا ودة خاص طبعا للبنوتات فقط ولا مانع من دخول اخوانا
ولكن بشرط الدخول فورا للمطبخ وتقديمها لست الكل ( طبعا زوجتك مش الوالدة هههههههه لا طبعا الوالدة الاول )
يعنى باختصار انا عايزة افضفض فى كل حاجة .... حياتى ....اهلى ..... اصدقائى ..... دراستى .....خواطرى ......وطنى ....دينى .....
حد عندة مانع
اتمنى تقبلونى اختا لكم فى الله ومكونش تقلت عليكم بالرغى دة كلة وانتظرونى فى القريب العاجل ببوست جديد عن يومياتى
5 التعليقات:
أهلا بك ومرحبا اختنا الكريمة
وفقكم الله
ونسأل الله أن نجد لديك كل شىء جديد وجميل ونافع
وجعل هذه المدونه فى ميزان حسناتك وطريقك الى الجنان التى تعشقيها
والسلام عليكم
تحياتي
اهلا و سهلا بك اخت عزيزة فاضلة...وسط
اسرتك من المدونيين.
كل الاماني الطيبة بالتوفيق.
تحياتي و تقديري
أهلا ً بانضمامك ِ الى كوكبة ِ المدونين ..
واكيد " محدش عنده مانع "
نورت ِ كل المدونات ..
متابعة لكل ّ اضافاتك , ويسعدني ان اكون صاحبة اول تعليق في مدونتك ِ ..
ويسرني ايضا ان تشرفيني في مدونتي
بس ممكن طلب ؟ يا ريت تقيمي احرف التأكيد من التعقيبات ..
لو سمحت ِ بس ..
اختك ِ :)
فراشة حزيران
بشكر كل اللى شرفنى بتواجدة وتعليقة على مدونتى البسيطة جزاكم الله كل خير ووفقكم لما يحبة ويرضاة
اختى فراشة حزيران لقد تم تعديل الخاصية
بس انا عندى مشكلة مش عارفة احلها ازاى ان التدوينات الجديدة والتنسيقات لا تطبق على الصفحة الرئيسية للمدونة فما الحل؟
أفيدونى افادكم الله
اهلا بيك فى عالم التدوين
نورتى يا صغيرتى
نسأل الله ان ينفعنا بك وان ينفعك بنا...ونكون لبعض عونا
إرسال تعليق